Cine, teatru y TV

Circ Hula actúa nel Palaciu Revillaxixéu

El xueves 22 de xunetu, a les 22:30 hores, nel Centru Cultural Cajastur Palaciu Revillaxixéu (Patiu Posterior), con entrada llibre y gratuíta hasta completar l’aforu, va actuar la compañía catalana Circ Hula, col espectáculu circense tituláu Viceverso.

Viceverso ye un montaxe que mez con humor el teatru con delles disciplines circenses, como clown, malabarismu, maxa o equilibriu a lo llargo de sesenta minutos nos que nun hai testu y tola atención recái nos xuegos visuales fechos polos sos intérpretes.

«Imaxina que’l to reflexu sal del espeyu y con él suañes espiertu». Esti ye’l puntu de partida del espectáculu nel que, efectivamente, un espeyu y un sombreru faen que los protagonistes vivan situaciones divertíes, cómiques y sorprendentes. Con una trayectoria de cinco años, nos que participaron nos festivales de payasos y circu más importantes del Estáu, y con un director, Sébastien Dethise, que lleva nesti mundu dende hai quince años, Viceverso de xuru que nun va defraudar nin a grandes nin a pequeños. Un espectáculu fechu dende la cenciellez y l’humor y que garantiza la diversión de tou tipu de públicu.