Sociedá
Convócase’l VI Concursu de cartelos «Cuenques Mineres»
Castillete mineru.
La Secretaría de Mocedá de la Unión Comarcal de CC OO del Nalón entama'l VI Concursu de Cartelos Cuenques Mineres, nel que pueden participar toles persones que quieran, ensin tope d'edá. Van poder presentase, a lo más, dos obres orixinales y inédites. La temática ha tar rellacionada principalmente col mundu llaboral xuvenil y la situación social y cultural de los mozos y moces de les cuenques mineres asturianes. En toos y caún de los trabayos tien que figurar de forma visible la lleenda: «La to seguridá, lo primero; la salú nun se viende».
Los orixinales han presentase nes oficines de la Unión Comarcal de CC OO del Nalón, cai Florentino Cueto, e/n, 2.u, 33930 La Felguera (Llangréu).
La fecha última pa poder presentar los trabayos ye’l día 1 d'ochobre del 2010. Los orixinales pueden apurrise en mano o bien mandase per corréu certificáu al apartáu de correos 109, con acuse de recibu, cola referencia «Concursu de cartelos 2010».
