Arte

Alicia González-Lafita gana'l Premiu Asturies Xoven d'Artes Plástiques 2010

Alicia González-Lafita Pérez.

L'artista xixonesa Alicia González-Lafita Pérez resultó ganadora del Premiu Asturies Xoven d'Artes Plástiques 2010 que concede l'Institutu Asturianu de la Mocedá, que ta dotáu con 6.000 euros de premiu.

González-Lafita, una de les artistes asturianes con más proyección, estudia arquitectura superior en The Bartlett School of Architecture, del University College of London. Nel mes de setiembre del 2009 protagonizó la so primer esposición individual na Sala Borrón.

Amás, Lucía Rivero, Noé Baranda, Iraida Lombardía, Noemí Iglesias, Manuel Griñón, Adrián Sánchez y Santiago Lara foron seleccionaos pa formar parte de la XXI edición de la Muestra d'Arte Xoven del Principáu d'Asturies.