Música

Martha Wainwright actúa en Xixón

Martha Wainwright.

El martes 27 de xunetu, a les 22:00 hores, na Plaza Mayor de Xixón, va actuar la cantante Martha Wainwright. El conciertu enmárcase dientro de la programación de festexos que’l Conceyu de Xixón iguó pa esti branu.

Martha Wainwright estampa’l so Je ne sais quoi nuna colección maraviyosa de canciones d’Edith Piaf, cantaes emotivamente y interpretaes vehementemente baxo’l títulu de Sans fusils, ni souliers, a Paris. L’álbum grabóse en tres velaes íntimes nel Dixon Place Theatre’l nel mes de xunu del 2009, rexistrando’l repertoriu venerable de la chanteuse cola increíble y carácterística voz de Martha que xenera tensiones y urxencies pa entregar en paralelu dambes emociones y la vulnerabilidá mística d’Edith Piaf.

Esta cantante canadiense afincada nos Estaos Uníos vien d’una familia mui vinculada a la música. Hasta la publicación d’esti tercer discu, el so estilu movíase preferentemente ente’l folk y el rock.