Cine, teatru y TV

Factoría Norte representa «Piripiratas»

Cartel de la obra "Piripiratas".

El martes 27 de xunetu, a partir de les 19:30 hores, nos Xardinos de la Reina en Xixón, la compañía teatral Factoría Norte va representar la obra Piripiratas.

Risca l’alba y lloñe siéntense gaviluetes. Nun barcu pequeñín naveguen Turpín y Bigote, dos pirates dalgo alloriaos. Nin muncho menos valiente, Bigote ye un babayu que nun pierde oportunidá dalguna pa contar les sos batallines. La metá d’elles nun existieron enxamás, pero él siempre presume de ser el pirata más temíu de toos. Sicasí, Turpín, ye un compañeru inseparable de fatigues, eficiente, lleal y bromista abondo. Dambos viaxen en busca del tesoru perdíu del temíu Barbarroxa, pero nun-yos va resultar nada fácil.

Una isla misteriosa, un tesoru escondíu y hasta una pantasma. L’aventura piripirata ta por principiar…