Música

Martha Reeves actúa en Xixón

Martha Reeves.

El xueves 29 de xunetu, a les 22:00 hores, na Plaza Mayor de Xixón, la cantante norteamericana Martha Reeves va ufiertar un conciertu dientro de la programación entamada por cuenta de los festexos de branu.

«Dancing in street», «Nowhere to run», «Heatwave» y «Jimmy Mack» son himnos xeneracionales, canciones que pasaron a la historia na voz de Martha Reeves (& The Vandellas), diva del soul dende que blancos y negros empezaben a baillar xuntos na América convulsa de mediaos de los 60 y alma del míticu sellu Motown.

Martha Reeves y el so grupu foi ún de los conxuntos femeninos principales de la compañía Tamla Motown. Estremábense de les demás formaciones en que teníen un soníu más averáu al rythm and blues. Foron artífices de grandes éxitos a finales de los años sesenta y principios de los setenta. Col tiempu tocaríen estilos como’l doo-wop (conocíu tamién col nome onomatopéyicu de du duá, el pop, el blues, el rock y el soul.