Música
Principia l’«Euroyeyé 2010»
28-07-2010Un añu más Xixón prepárase p’acoyer una edición nueva del festival Euroyeyé. Van ser cinco díes (del xueves 29 de xunetu al llunes 2 d’agostu) pa disfrutar de la cultura musical que surdió n’Inglaterra a principios de los años sesenta.
El programa inclúi la celebración d’una scootercruzada, que va axuntar a bien d’aficionaos a esi vehículu de dos ruedes. Van entamase recorríos diseñaos per delles carreteres asturianes, exhibiciones y pruebes.
Esti festival, nel que se xunten cientos de fans de la cultura mod y mozos sesenteros de tol mundu, ye una de les reuniones más grandes d’Europa y inclúi conciertos, esposiciones, proyecciones, un mercáu y una feria del vinilu.
El xueves 29, el Centru de Cultura Antiguu Institutu va inaugurar les esposiciones pictóriques del fotógrafu inglés Dean Chalkley y del artista vascu Fernando Gil, que van tar abiertes hasta’l 15 d’agostu. En cuantes a los conciertos, tán previstes actuaciones de bandes como Los Platillos Volantes, Al Supersonic & The Teenagers, The Draytones o The Shoestrung.
