Música
La Plaza Mayor de Xixón recibe a Zenet
29-07-2010El vienres 30 de xunetu, a les 22:00 hores, la Plaza Mayor de Xixón va acoyer l’actuación del cantante conocíu como Zenet. Ésti ye ún más de los conciertos entamaos por cuenta del branu xixonés, que va llevar hasta esi escenariu a bien d’artistes y grupos d’estilos estremaos.
Arrebatador y verdaderu, Toni Zenet ye un crooner andaluz, de sombreru y voz prodixosa. Enriba d’un escenariu pue guardar les formes d’un Sinatra sureñu y un minutu depués mandar el micrófonu a paséu y cantar a capella p’asombru de les primeres files. Les sos canciones son un viaxe pel mundu, con un billete compráu na copla andaluza con destín al tangu arxentín, al so cubanu y al jazz de Nueva York, un viaxe natural a los sentíos, un cantante fascinante que recupera l’aire clásicu de los cincuenta nos sos cantares.
