Cine, teatru y TV

Teatro Necessario representa «Barbieri» nel ciclu «A ver la ballena»

Barbieri.

El vienres 30 de xunetu, a les 19:30 hores, nos Xardinos de la Reina de Xixón, y dientro del ciclu A ver la ballena, la compañía italiana Teatro Necessario va representar la obra Barbieri.


Nun hai tanto, los señores diben a la barbería igual que les señores van a la peluquería y vuelven cinco hores más tarde, arreglaes, perfumaes y relaxaes depués de la conversación bien llarga sobre lo divino y lo humano, sobre la cabeza y el corazón. Ésta ye una d’aquelles barberíes, colos sos pirulís de colores a la puerta y too, y posiblemente, la más divertida de toes, onde tres aprendices de barberu faen gala de tol so talentu musical, acrobáticu y bon humor pa que los veceros salgan de la barbería non sólo guapos y repeñaos, sinón tamién con un a sorrisa nos llabios.


Barbieri ta interpretada por Leonardo Adorni, Jacopo María Bianchini y Alessandro Mori.